Þann 1. janúar 2010 tók Rjómabúið Erpsstaðir formlega til starfa.  Þar er framleiddur rjómaís, skyr ostar og konfekt.  

Framleiðslan fer fram á býlinu sjálfu í 200fm. aðstöðu, ætluð fyrir heimavinnslu afurða.  Eigendur eru menntaðir mjólkur-fræðingar.

Unnið er samkvæmt lögum  sem heimila vinnslu og sölu landbúnaðarvara beint frá býli.

Ísinn:  Ísinn er framleiddur úr mjólk og rjóma ( 40% ), sykri, eggjarauðum og bragðefnum.  Ferskir ávextir og ber eru notuð í þær bragðtegundir sem innihalda slíkt bragð.   Enginn e-efni eru í ísnum. Mjólkin og rjóminn eru úr kúnum  á Erpsstöðum.  Eggjarauðurnar eru frá Nesbú, sykur og bragðefni koma að mestuleyti erlendis frá.  Ísinn er gerilsneyddur; það ferli fer fram í ísgerðarvélinni en vélin byrjar á því að hita ísblönduna í 84 gráður áður en blandan er þeytt saman.

Konfektið:  Skyrkonfektið er hágæða sælgæti, húðað Valrhona súkkulaði og fyllt með heimalöguðu skyri frá Rjómabúinu á Erpsstöðum. Skyrkonfektið var sérhannað og þróað af þverfaglegu teymi Stefnumóts hönnuða og bænda fyrir Rjómabúið haustið 2009.Nýverið útnefndi tímaritið Reykjavík Grapevine Skyrkonfektið frá Rjómabúinu á Erpsstöðum í Dölum vöru ársins.  Myndband af gerð konfektsins má finna hér. Smella.

ÍS
Að jafnaði er til rjómaís með eftirfarandi bragðtegundum:
 Vanilla, karamella, piparminta, pistasia, kókos, lakkrís, súkkulaði, amarettó, hreinn rjómaís, íslensk aðalbláber. Einnig jarðarberja sorbet    ( mjólkur og eggjalaus ís ). Um jól er fjölbreyttara útval í boði, m.a. áfengur rjómaís en hann er um 20 % dýrari.
 Verð og einingar:
   150 ml -    400 kr.
   500 ml -    800 kr.
   1000ml - 1300 kr.
   2500ml - 3200 kr.

KONFEKT
Framleitt er einstakt konfekt úr skyri.  Konfektmolarnir eru stórir og henta sem saðsamir bitar milli mála.
Verð og einingar:
  Skyrkonfekt 1 stk -  350 kr.
  Skyrkonfekt 6 stk í gjafaöskju  -  2000 kr.
Magnkaup; ef keyptir eru fleiri en 25 molar kostar stk. 270 kr.

OSTAR
Kúmenostur 4200 kr/ kg, vigtaður og plastaður í 200-300 gr stykki
Grikki, ostur í teningum, kryddaður í olíu. 100 gr - 400 kr

AÐRAR VÖRUR
  Sveitaskyr  400 gr -  350 kr.
  Sveitarjómi 280 ml - 400 kr.
  Broddmjólk, frosin 500 ml - 400 kr.
  Mysa 5 lítrar í brúsa - 500 kr.

Heimagerðar sultur, verð 400-800 kr krukkan fer eftir magni.